Gast Gibéryen: "Enttäuschend op der ganzer Linn"

Déi dësjähreg Ried vum Premierminister Juncker wor "keng Ried déi matgerass hutt, déi Hoffnung ginn hätt", so den ADR Deputéierte Gast Gibéryen bei senger Interventioun gëschter um Krautmaart. Och dës Ried behandelt, wéi déi 17 Rieden zur Lag vun der Natioun vum Här Juncker virdrun déi gläich Theme wéi z.B.: de Chômage, Wunnengsbau, Schoulpolitik, ouni dat d'Problemer wiere geléist ginn. Am Géigendeel, si sinn vu Joer zu Joer méi grouss ginn. Elo wou d'Geld méi knapps gëtt, kënnt d'Realitéit vun deem Echec lues awer sécher zum Virschäin. Un éischter Stell mécht sech dat bemierkbar bei de Finanzen

• De Resumé vun der Ried op adrTV (Youtube)
  

D'ADR ass déif besuergt iwwer d'Resultat vun de Parlamentswahlen a Griicheland. D'Faiten, datt eng rietsextrem Partei an d'Parlament erakomm ass, datt déi lénksradikal Partei massiv gestäerkt ginn ass, an datt et ganz schwéier wäert gi fir eng Majoritéit am neie Parlament ze fannen, wäerten d'Problemer vu Griicheland nach verstäerken. D'ADR bedauert, datt de Jean-Claude Juncker, als laangjärege Member vum europäesche Conseil a Rot vun de Finanzministeren, a besonnesch als President vum Eurogroupe, duerzou bäigedroen huet datt Griicheland an dës Situatioun komm ass.D'ADR ass iwwerzeegt, datt déi iwwerdriwwen haart Spuerpolitik déi d'Eurogroupe ënner der Leedung vum Jean-Claude Juncker imposéiert zur Veraarmung vu Griicheland gefouert huet. Doranner läit zum gréissten Deel d'Erklärung vun der aktueller politescher Destabilisatioun vun dësem Land!

Inakzeptabel Diskriminatioun am LTMA vun engem jonken ADR-Politiker

D'ADR protestéiert géint d’Diskriminéierung vun engem vun hire Politiker am Péitenger Lycée technique Mathias Adam (LTMA). An dësem techneschem Lycée hate Schüler den 28. Abrëll eng «Journée multiculturelle» organiséiert. Als Spriecher hate se de jonke Péitenger Gemengeconseiller Joe Thein (ADR) invitéiert, deen och am LTMA an d’Schoul geet. Wéi den Direkter gewuer gouf, dat de Joe Thein op dësem Fest sollt schwätzen, huet hien dat verbueden! D'ADR bedauert, datt op dës Aart a Weis e gewielte Politiker zu Lëtzebuerg Riedeverbuet erdeelt krut.

Lëtzebuergesch: den Integratiounsvehikel an der Schoul!

No den Zuelen aus dem Educatiounsministère hunn nëmmen nach 38,8% vun den Spillschoulskanner Lëtzebuergesch als Mammesprooch. Dëst muss fir all Verantwortlech en däitlecht Signal sinn: et musse vill méi grouss Efforte gemaach gi fir d'Integratioun vun de Kanner déi nach kee Lëtzebuergesch kënnen. D'ADR fuerdert d'Regierung op, dem Erléiere vun der lëtzebuerger Sprooch eng absolut Prioritéit ze ginn, esouwuel fir d'Schoulkanner wéi och fir hir Elteren.

Interventioun vum Fernand Kartheiser zum
Profil vun den Enseignanten

De 26. Abrëll 2012 huet de Fernand Kartheiser an der Chamber zum Rapport iwwert de Profil vun den Enseignante Stellung bezunn. D'ADR huet dëse Rapport net mat gestëmmt.

D'Ried vum Fernand Kartheiser (adrTV)

Interpellatioun vum Fernand Kartheiser:

Gewalt géint d'Police an aner Autoritéitspersounen

En Dënschdeg, den 24 Abrëll, huet den Fernand Kartheiser an der Chamber d'Regierung interpelléiert iwwert de Phänomen vun der Gewalt géint Polizisten an géint Persounen, déi durch hire Beruff eng allgemeng oder eng méi spezifesch Uerdnongs-, Sécherheets- oder Kontrollfunktioun hunn. Dëst sinn, niewent der Police, Kontrollere bei der Eisebunn, Buschaufferen, Léierpersonal, Pecherten (agents municipaux), a.s.w.

• Résumé vun der Ried aus der Chamber (ADR-TV op Youtube)